English Shqip | 

Në datën 28.04.2017 në Akademinë e Nënoficerëve “Thomson”, u zhvillua ceremonia e çertifikimit të kursantëve që përfunduan  kursin e  Lartë të Nënoficerit .

Në ceremoninë e organizuar më këtë rast morën pjesë; Komandanti i KDS-së Gjeneral Brigade Manushaqe SHEHU, Komandanti i FT-së Gjeneral Brigade Nazmi CAHANI, Zv/Komandant i KM-së Kolonel Gazpër LALA dhe Komandanti i Akademisë së N/oficerëve “Thomson” Kolonel Albert MULLAI.

 

Grupi i punës për rishikimin e Konceptit të Arsimimit Ushtarak Profesional në FARSH, organizoj takim me qëllim koordinimin e punës dhe procesit për rishikimin Konceptit të Arsimimit Ushtarak Profesional në FARSH në datën 30.03.2017 nën drejtimin e Gjeneral Brigade Manushaqe SHEHU, Komandante e KDS-së njëkohësisht kryetare e këtij grupi u zhvillua takimi i grupit të punës me përfaqësues nga Qendrat Stërvitore të  Forcës Tokësore,  Detare, Ajrore, Komandës Mbështetëse, ASNI-së, Akademisë së Forcave të Armatosura, Shkollës së Trupës, Akademisë së Nënoficerëve, Drejtorisë së Arsimimit dhe Përkujdesjes Sociale të Ushtarakëve (DAPSU), Drejtorisë së Personelit (SHPFA) dhe Drejtorisë së Operacioneve dhe Stërvitjes (SHPFA).

Shkolla e Trupës, Bunavi Vlorë  i është përgjigjur kërkesës së Kryqit të Kuq shqiptar, dega Vlorë, për dhurimin e gjakut në ndihmë të fëmijëve talasemik. Janë rreth 45 efektivë, oficerë, nënoficerë, ushtarë, punonjës civilë dhe rekrut dhe kursantë të Shkollës së Trupës  që kanë dhuruar gjak, duke iu përgjigjur këtij sensibilizimi.

Shkolla e Trupës e ka bërë ritual të përhershëm dhurimin e gjakut për fëmijët në nevojë duke ju bashkuar  gjithmonë  motos “Dhuro Gjak, Shpëto Jetë”.

Shkolla e  Trupës, si pjesë e Forcave të Armatosura është në shërbim të atdheut dhe shtetasve të tij dhe në këtë kontekst dhurimi i gjakut është një nga mënyrat më fisnike dhe më humane me anë të së cilës ne përmbushim misionin tonë në kohë  paqeje.

Qendra Shëndetësore e Shkollës së Trupës me stafin e saj ndihmoi në realizimin e gjithë procesit të dhurimit të gjakut, në bashkëpunim me Kryqin e Kuq. Efektivë, oficerë, nënoficerë, ushtarë, punonjës civilë dhe rekrut të Shkollës së Trupës që treguan gatishmëri për të ndihmuar njerëzit në nevojë duke dhuruar gjak, kanë të drejtë të ndjehen krenarë për Forcat tona të Armatosura.

Shko në krye