English Shqip | 

 

bwd  Foto 1/2  fwd

Në mjediset e auditoriumit , u zhvillua ceremonia e përfundimit të Kursit të Arsimimit të Përgjithshëm të Oficerit në Akademinë e Forcave të Armatosura . Në këtë ceremoni ishin të pranishëm SHSHPFA Gjeneral Brigade Bardhyl Kollçaku , Komandanti i Komandës së Doktrinës dhe Stërvitjes Gjeneralbrigade Prof. Asoc . Bajram Begaj , komandantët e forcave , drejtorë drejtorish në MM dhe SHP, stafi pedagogjik i AFA, personel i KDS, si dhe familjarë të kadetëve .
Në fjalën e rastit , Zv/komandanti/rektori i AFA Kolonel Edmond Braneshi , u shpreh se : “ Kjo ditë do të mbetet gjatë në kujtesë , pasi shënon kapërcimin e madh që ju bëtë duke iu bashkuar trupës së oficerëve të Forcave tona të Armatosura . Rrugëtimi prej 9 muajsh kërkoi impenjim , përkushtim , sakrificë dhe shumë mund e djersë nga ana juaj për të arritur objektivat e parashikuara në programin mësimor , objektiva këto që ju të nderuar kadetë i përmbushët më së miri . I gjithë stafi i Akademisë së Forcave të Armatosura , në veçanti Departamenti i Përgatitjes së Oficerit të Ri , të gjithë këta djem e vajza që diplomohen sot, kanë bërë një punë të shkëlqyer për të realizuar detyrat e vëna .”

Në emër të oficerëve të rinj , përshëndeti kadete Sonila Rapi , e cila duke mos fshehur emocionet e kësaj dite të veçantë dhe pasi falënderoi të gjithë për mbështetjen , u shpreh ndër të tjera se: “ Rrjedha e jetës që kemi ndërrmarë kërkon shumë përgjegjësi dhe përkushtim të veçantë , duke marrë me vete sfida dhe përgjegjësi të mëdha , për të demonstruar vullnetin dhe aftësinë tonë për të qënë ushtarakë të denjë e të përkushtuar për ti shërbyer vendit tonë . Pjesëmarrja e 14 femrave ndër 54 veta , tregon një shembull unik inkurajimi mbi pjesëmarrjen e femrave në Forcat e Armatosura , - përfundoi kadete Rapi .

Një përshëndetje e veçantë oficerëve të sapo diplomuar , u është adresuar nga SHSHPFA, Gjeneralbrigade Bardhyl Kollcaku , i cil i pasi shprehu kënaqësinë e marrjes pjesë në këtë ceremoni shumë të veçantë , u shpreh ndër të tjera se : “ Forcat tona të Armatosura nuk janë të mëdha në numër dhe është e paevitueshm e që ju të mos takoheni në një të ardhme të afërt . Prandaj duke njohur njëri tjetrin do jeni më ta aftë të punoni në grup dhe të rriteni në karrierë n tuaj . Ketu gjeneral Kollçaku , permendi dhe dy kadetet tashme te diplomuar prane FSK se Kosoves . Praktika me trupa që u rifut në programin e përgatitjes së oficerit të ri , ju ka përgatitur më së miri me atë cka ju pret kur ju t’i bashkoheni jetës së karrierës në FARSH ”. Në përfundim të fjalës së tij , gjeneral Kollçaku , evidentoi dhe synimin që aktualisht kanë FARSH në drejtim të përmirësimit të sistemit arsimor ushtarak , në kalimin në një sistem tre vjecar , arsimim i cili do të mundësojë një përgatitje më cilësore të kandidatëve për oficerë .

Më tej , ceremonia vijoi me shpërndarjen e diplomave , si dhe realizimin e një fotoje të përbashkët.

Shko në krye