Hapet Kursi i 8-të i Lartë i Sigurisë dhe Mbrojtjes në Akademinë e Forcave të Armatosura.

Më datën 13.09.2016 në Akademinë e Forcave të Armatosura u hap Kursi i VIII i Lartë i Sigurisë dhe Mbrotjes për vitin 2016.Me rastin e fillimit të Kursit kursantët i përshëndeti Komandanti/Rektori i AFA Kolonel Ruzhdi Kuçi, i cili në fjalën e tij vuri në dukje punën e bërë për hapjen e KLSM-2016 duke pasur parasysh edhe ekpertizën me kurset e mëparshme. Kolonel Kuçi falënderoi kursantët e huaj për pjesëmarjen e tyre në këtë kurs. Gjithashtu  shprehu gatishmërinë për të mirëpritur kontributin e tyre për të ndarë mendimet dhe ekspertizën në fushën e Sigurisë dhe të Mbrojtjes.

 KLSM-2016 është Kursi i VIII që hapet në Akademi. Kursi i I i Sigurisë dhe Mbrojtjes ka startuar në vitin 2007, duke u rihapur përsëri në vitet 2008, 2010, 2012, 2013, 2014 dhe 2015.Kursi i Lartë i Sigurisë dhe Mbrojtjes (KLSM) është Kursi më i lartë në piramidën e arsimit ushtarak në Forcat e Armatosura të Republikës së Shqipërisë (FARSH). Kursi zhvillohet në gjuhën angleze me pjesëmarrjen e ushtarakëve të gradës kolonel nga FA, vendet e rajonit dhe më gjerë, si dhe pjesëmarrës nga institucionet e sigurisë dhe mbrojtjes të RSH. KLSM ka një kohëzgjatje prej tre muajsh. Qëllimi i kursit nuk është vetëm dhënie e njohurive në fushën e sigurisë dhe mbrojtjes por mundësimi i një mjedisi akademik i cili do të shpjegojë dhe prezantojë sfidat me të cilat ndeshen vendet e rajonit dhe më gjërë.Në Kursin e Lartë të Sigurisë dhe Mbrojtjes që sapo startoi marrin pjesë  ushtarakë të lartë nga Forcat e Armatosura të Italisë, Rumanisë, Greqisë, Gjeorgjisë, Maqedonisë, Shqipërisë, Forcës së Sigurisë së Kosovës, si dhe përfaqësues nga institucione të sigurisë në vend. Kursi i VIII i Lartë i Sigurisë dhe Mbrojtjes do të përfundojë më 9 dhjetor 2016.

 

 

 

 

15 Vjet Komanda e Doktrinës Dhe Stërvitjes

Komanda e Doktrinës dhe Stërvitjes  feston sot 15 Vjetorin e Krijimit të saj. Kjo ditë eshtë kremtuar sot nëpërmjet një ceremonie në ambjentet e auditoriumit në Ministrinë e Mbrojtjes ku ishin të pranishëm, Ministri i Mbrojtjes zonja Mimi Kodheli, Zëvendës Mnistri i Mbrojtjes zoti Petro Koçi, Shefi i Shtabit të Përgjithshëm i Forcave të Armatosura Gjeneralmajor Jeronim Bazo, Rektori i Universitetit të Tiranës Prof.Dr. Mynyr Koni, Komandanti i Komandës së Doktrinës dhe Stërvitjes Gjeneral Brigade Dedë Prenga, Komandanti Komandës së Doktrinës dhe Stërvitjes së Republikës së Kosovës Gjeneral Brigade Enver Cikaqi, Komandantë  të Forcave të Armatosura të RSH si dhe atashe  ushtarakë të akredituar në vendin tonë.

Në fjalën e Tij komandanti KDS-së Gjeneral brigade Dedë Prenga theksoi arritjet Komadës së Doktrinës dhe Stërvitjes këto 15 vjet, të cilat sipas Gjeneral Prengës nuk janë shumë për një institucion, por oficërët, nënoficerët dhe civilët, që janë trajnuar në auditorët, poligonet dhe terrenet e KDS, janë të shumtë. Përpjekjet e herepashershme të KDS, që nëpërmjet reformave të thella, përpunimit dhe përshtataje së programeve, ndryshimi dhe përmisimit i metodave të mësimdhënies si dhe puna kërkimore shkencore, ka qënë puna e përditëshme e kësaj komande.

Sukseset e KDS-së në fushën e edukimit dhe trajnimit, nuk mund të merren të shkëputura pa mbështetjen e Ministres së Mbrojtjes, Shefit  të Shtabit të Përgjitshëm të FA-së, si dhe bashkëpunimit të frytshëm me komandant kryesore e ato mbështetës, nga partnerët tanë, e doemos, Ministrisë së Arsimit dhe Sporteve, nga Universitetet publike e jo publike, ku në veccanti Universitetin e Tiranës.

Më tej në vazhdim të ceremonisë fjalën e mori Ministrja e Mbrojtjes zonja Mimi Kodheli ku mbi të tjera theksoi; ““Dua të vë theksin në dy mundësi të arta që FA kanë për t’i ofruar ekspertizë shqiptare të gjitha vendeve aleate e atyre partnere. Së pari, Kursi i Lartë i Sigurisë dhe Mbrojtjes. Ky kurs vazhdon të jetë vetëm “I Listuar nga NATO”.

Së dyti, Qendra e Ekselencës për të adresuar Fenomenin e Luftëtarëve të Huaj Terroristë. I kemi kaluar etapat e nevojshme në dimensionin politik në NATO-s. Kemi mbështetjen e shumë vendeve aleate dhe kemi nisur negociatat për ta akredituar si qendër ekselence të NATO-s.

Ceremonia përfundoi me një dokumetar të Shkurtër për KDS-në si dhe me prezantimin e një ekspozite me foto në retrospektivë.

Komandanti i KDS-së Gjeneral Brigade Dedë Prenga priti Atasheun e ri Ushtarak të Republikës Federale të Gjermanisë

Komandanti i KDS Gjeneral Brigade Dedë Prenga zhvilloi në zyrën e tij një takim prezantues me Atasheun e ri të Republikës Federale të Gjermanisë Nënkolonel Hans-Peter Wamsler, i cili u prezantua nga Atasheu në largim Nënkolonel Guido Altendorf.

Në këtë takim Gjeneral Prenga i dha mirëseradhjen dhe urimin për detyrën e atasheut e ri të Republikës Federale të Gjermanisë dhe falenderoi Nënkolonel Altendorf për mbështetjen dhe kontributin e dhënë  për Komandën e Doktrinës dhe Stërvitjes.

Gjatë takimit u diskutua për  mbështejen e vazhdueshme të gjermanisë si dhe vijim  e bashkëpunimit  në shkëmbimin e eksperiences kryesisht ne fushën e arsimimit ushtarak.

Në përfundim të takimit u krye një foto e përbashkët.

Përfundon operacioni i pastrimit në Rivierën Shqiptare.

Efektivët e Shkollës se Trupës Bunavi kanë marrë pjesë në fushatën sensibilizuese për mbajtjen e zonave bregdetare pastër. Në këtë fushatë kanë marrë pjesë rreth 150 efektivë si dhe mjete për transportimin e mbetjeve. Efektivët u angazhuan prej datës 6 Gusht deri më datë 9 Gusht në këto segmente; Ditën e parë Skelë-Orikum, Ditën e dytë Orikum – Dukat Fshat, Ditën e tretë Dukat Fshat – Llogara  dhe ditën e katërt Llogara-Palas. Gjatë këytyre ditëve të nxehta u punua me intestet të lartë duke hequr një volum mbeturinash të konsiderueshme dhe duke pastruar me qindra metra kanale kulluese. Shkolla e trupës në këtë operacion ishte në përbërje të Task-Forcës  të ngritur nga Forcat e Armatosura për të kthyer në normalitet gjëndjen e rënduar mjedisore në rivierën tonë  për shkak të mbeturinave. Përvecc të tjerave kjo nismë shërbeu dhe për sensibilizimin për mbajtjen pastër të këtyre zonave duke i ftuar të gjithë qytetarët ti bashkohen këtij akti patriotik për të shpëtuar mjedisin tonë nga mbejtjet ku në të shumtën e rastëve vinë nga papërgjesia e njerzore.

View the embedded image gallery online at:
http://tradoc.mil.al/index.php/en/#sigFreeId37de376879

 

 
 

Diplomohen akademistët e KLO dhe KKSHP

Zv/Ministri i Mbrojtjes zoti Petro Koçi merr pjesë në ceremoninë e diplomimin të akademistëve të Kursit të Lartë të Oficerit dhe Kursit të Komandës dhe Shtabit të Përgjithshëm.

Më datën 22korrik 2016 në ambjentet e auditoriumit të Shtabit të Përgjithshëm të Forcave të Armatosura u zhvillua ceremonia e diplomimin të akademistëve të Kursit të Lartë të Oficerit dhe Kursit të Komandës dhe Shtabit të Përgjithshëm.

Të pranishëm në ceremoni ishin: Zv/Ministri i Mbrojtjes Zoti Petro Koçi, Drejtori i Shtabit të Përgjithshëm të FA Kolonel Ardian Bali, Komandanti i KDS Gjeneral Brigade Dedë Prenga, përfaqsuesi ushtarak i RSH në SHAPE Gjeneralmajor Qemal Shkurti, Komandantët e Forcave të FA, Drejtori i Departamentit të Operacioneve në Forcën e Sigurisë së Kosovës Gjeneral Brigade Nazmi Brahimaj, Komandanti/Rektori i AFA Kolonel Ruzhdi Kuçi, drejtor drejtorie në Ministrinë e Mbrojtjes e Shtabin e Përgjithshëm,përfaqsuesit amerikanë pranë Qëndrës së Simulimit,komandantë të instititucioneve,familjarë të akademistëve, si dhe të ftuar të tjerë.

Në fjalën e hapjes Komandanti/Rektori i AFA Kolonel Ruzhdi Kuçi vuri në dukje se “...Programet që implementuam në KLO dhe KKSH janë rezulat i rishikimit dhe diskutimit të gjerë akademik, të eksperiencës së mëparshme si dhe studimit të programeve të disa akademive të vendeve anëtare të NATO-s. Auditoreve të Akademisë gjatë këtij viti ju shtuan në lektime lektorë nga Shtabi i Përgjithshëm i FA, Forca Tokësore, Forca Ajrore, Forca Detare, KDS. Nuk mund të lëmë pa përmendur asistencën pedagogjike dhe logjistike të palës amerikane nw Qëndrën e Simulimit, dhe veçanërisht asistencën e palodhur të përfaqsuesit të CUBIC, zotit Dee Esplin”... Kolonel Ruzhdi Kuçi falënderoj stafin akademik, pedagogët përgjegjës të kurseve N/kolonel Kosta Jano dhe N/kolonel Adriatik Shehu për përkushtimin e treguar ndaj akademistëve gjatë gjithë procesit mësimor, vlerësoi gjithashtu angazhimin e oficerëve të Forcës së Sigurisë së Kosovës, të cilët treguan nivel të lartë profesionalizmi duke pasuruar në këtë mënyrë jetën akademike e ushtarake të institucioneve tona...”. Kolonel Ruzhdi Kuçi falënderoi familjarët për mbështetjen e dhënë akademistëve dhe ju uroj akademistëve suksese të mëtejshme në karrierrën ushtarake.

Në emër të akademistëve që përfunduan Kursin e Komandës dhe Shtabit të Përgjithshëm dhe Kursin e Lartë të Oficerit përshëndeti N/Kolonel Vladimir Imeraj.

Në fjalën përshëndetëse Zv/Ministri i Mbrojtjes Zoti Petro Koçi vuri në dukje se “…Akademistët që diplomohen sot janë elita e gjithë kursantëve që kualifikohen e diplomohen në Akademinë e Forcave të Armatosura. Më lejoni të falënderoj akademistët që përfunduan studimet me rezultate shumë të mira Major Armand Shtëmbari, Major Dritor Papa, Majore Luljeta Tafani, Major Elvis Spahi, Major Valdet Berisha, N/kolonel Vladimir Imeraj, N/Kolonel Adriatik Domazeti, N/kolonel Nikoll Ndoi, N/Kolonel Nikolin Lazri, N/kolonele Violeta Kopani. Kursi ka qënë i rëndësishëm për të planëzuar në nivelin operacional për tu pajisur me aftësi për t’ju përshtatur në një mjedis shumë më të komplikuar ndërkombëtar. Falenderoj trupën pedagogjike për përkushtimin. Komandantin e KDS, palën amerikane që japin ndihmesën për të arritur standartet me qëllim që kontributi ynë në NATO të jetë gjithmonë në rritje”.

Sot u diplomuan 17 n/kolonelë pjesëtarë të Forcave të Armatosura të RSH dhe Forcës ë Sigurisë së Kosovës, cilët ndoqën Kursin e Lartë të Oficerit për një vit akademik. Ky kurspërgatit oficerë të përzgjedhur të karrierës me gradën e nënkolonelit, për të shërbyer në detyra e funksione të larta në Forcat e Armatosura; Shtabet e NATO-s, si dhe në institucionet e tjera të sigurisë. Kurrikula e Kursit të Lartë të Oficerit përfshiu tre fusha: Fushën e Strategjisë dhe Historisë, Fushën e Lidershipit dhe Shkencave Shoqërore si dhe Fushën e Operacioneve. Kurrikula u fokusua në mjedisin e sigurisë kombëtare dhe ndërkombëtare, organizatat e sigurisë kombëtare dhe ndërkombëtare, proceset vendimmarrëse, formulimin dhe zbatimin e strategjisë së sigurisë.

Gjithashtut u diplomuan 13 majorë, pjesëtarë të Forcave të Armatosura të RSH dhe Forcës ë Sigurisë së Kosovës, cilët ndoqën Kursin e Komandës dhe Shtabit të Përgjithshëm për një vit akademik. Kursi përgatit oficerë të përzgjedhur të karrierës në pozicionet kyçe të komandim-drejtimit të reparteve e njësive, shtabeve të të gjitha niveleve, si dhe në shtabe shumëkombëshe të NATO-s.