Organizohet ceremonia e promovimit të librave dhe programeve akademike të kurseve të AFA

14 korrik 2015. Në mjediset e auditoriumit të Garnizonit “Skënderbej” u zhvillua ceremonia e promovimit të librave të programeve akademike dhe kurseve institucionalë, librave të arsimimit të fushave kryesore në AFA, si dhe Katalogu i Kurseve, përgatitur nga stafi akademik i Akademisë.

Të pranishëm në ceremoni ishin: Ministria e Mbrojtjes Znj. Mimi Kodheli, Shefi i Shtabit të Përgjithshëm i FA Gjeneralmajor Jeronim Bazo, Komandantë Forcash e njësish kryesore në Forcat e Armatosura, drejtorë drejtorie në MM e SHP, stafi e pedagogjik dhe mbështetës i AFA si dhe të ftuar të tjerë.

Fjalën e mirëseardhjes e mbajti Komandanti i Akademisë së Forcave të Armatosuar  Kolonel Idriz Haxhiaj. Në fjalën e tij ndër të tjerash ai u shpreh se “Takimi i sotëm përfaqson përfundimin e një procesi të rishikimit të kurrikulave, i cili ka qënë axhenda kryesore  e AFA për më shumë se 6 muaj. Nëse do të shkojmë në retrospektivë, në dhjetor të vitit 2014,  ishte detyra e  dhënë nga Ministria e Mbrojtjes znj. Mimi Kodheli dhe Shefi i Shtabit të Përgjithshëm të FA Gjeneralmajor Jeronim Bazo rishikimi kurrikulave. Pas një pune të mirëstrukturuar arritëm të nxirnin  në pah drejtimet kryesore të punës sonë. Në të gjitha librat kemi harmonizuar kurset që zhvillohen  në AFA me kurset që zhvillohen në Akademitë e vendeve NATO-s, kështu Kursi i Titullimit Oficer (KTO) është i barasvlefshëm me kursin që zhvillohet në Akademinë Ushtarake Mbretërore të Sandhursttë Britanisë së Madhe, KLO me Kolegjin e Luftës,  KLSM  - model i Kolegjit të NATO-s, etj. Kemi hedhur baza të shëndosha për kurset por nuk është gjithçka. Kryesorja është përgatitja dhe përgjegjësia  që ka trupa pedagogjike. Ndryshimi i metodës së mësimdhënies, të gjitha këto ne funksion të përmirësimit të cilësisë dhe përgatitjes së oficerit për të qënë të më të aftë për të punuar në shtabe apo kudo që do të shërbejnë.

Kolonel Haxhiaj falenderoi dhe vlerësoi kontributin e pedagogëve, shefaeve të departamenteve, Qendrën e Doktrinës dhe Stërvitjes, Sektorin e Botimeve. Një falenderim i veçantë shkoi dhe për SHSHPFA Gjeneralmajor Jeronim Bazo, për pjesëmarjen në gjithë takimet e bëra gjatë gjithë procesit të rishikimit të kurrikulave, si dhe për sponsorët që mundësuan botimin e librave;  bankat “BKT”, “Raiffeisen BANK”,  “CREDINS” si dhe shtëpinë botuese “WEST PRINT”. 

Të pranishmit në ceremoni i përshendeti Ministria e Mbrojtjes zonja Mimi Kodheli  e cila në fjalën e saj falënderoi donatorët, Komandantin e AFA Kolonel Idriz Haxhiaj,  Zv.Komandantin e KDS, Kolonel Ruzhdi Kuçi, si dhe  pedagogët për punën e bërë për rishikimin e Kurrikulave të Kurseve që zhvillohen në AFA, e cila ka qënë një nga  piksynimet e punës për tu paraqitur Akademia me kurrikula sa më dinjitoze .” ...Aleanca kërkon një përgatitje të veçantë.  Ushtarakët më të mirë duhet të jenë në Akademinë e Forcave të Armatosura, për të përgatitur ushtarakët e së ardhmes, që do të përmbushin detyrimet ndaj Aleancës. Do të doja të falënderoja Shefin e Shtabit të Përgjithshëm për ndihmesën. Mbetet akoma shumë punë për tu bërë, por e rëndësishme është të ecim në rrugën e duhur. Me shpresën për një fillim sa më të mbarë në vitin e ri akademik dhe për të qënë më të mirët në Shqipëri por edhe të krahasueshëm me Akademitë homologe të vendeve të NATO-s...”

***Rishikimi e përmirësimi tërësor i të gjithë programeve të kurseve institucionale që zhvillohen në Akademi ju nënshtrua një procesi të gjatë ku paraprakisht u studjuan eksperiencat e Konsorciumit të Akademive të Mbrojtjes të vendeve të NATO-s dhe të PfP  si: Akademia Ushtarake Mbretërore Sandhurst e  Britanisë së Madhe,  Kolegji i Komandës dhe Shtabit të SHBA, Kolegji i vendeve Baltike etj. Procesi ju nënshtrua një seri diskutimesh, konsultash me përfshirjeje të aktorëve kryesorë dhe të interesuar në KDS, Komandat e Forcave, Shtabin e Përgjithshëm  të FA edhe kompania amerikane CUBIC. Kurrikulat ju nënshtruan një procesi rishikimi të plotë ku në funksion të objektivave të secilit kurs u përcaktuan  modulet dhe lëndët respektive. U rikonceptua metoda e vlerësimit të kursantëve, ka ndryshuar gjithashtu edhe koncepti i metodës së mësimdhënies, ku tashmë studentët do të jetë më aktiv gjatë zhvillimit të procesit mësimor. Në përfundim të procesit  u përgatit paketa e plotë për çdo kurs institucional që zhvillohet në AFA, e cila përfshin  programet mësimore të kurseve, objektivat, kurrikulat, materialet mbështetëse, mënyrën e vlerësimit të studenteve dhe të pedagogëve, si dhe çdo aspekt tjetër mbështetës dhe plotësues të kursit.

Librat, të cilat u promovuan:

1. Katalogu i kurseve (shqip dhe anglisht)  që zhvillohen në AFA, i cili përcakton synimin, objektivat, vlerësimin, përshkrimin e të gjitha kurseve;

2. Libri i programit të Përgatitjes së Oficerit të Ri;

3. Libri i Programit të Kursit Themelor i Oficerit të Shtabit (KTHOSH);

4. Libri i Programit të Kursit të Komandës dhe Shtabit të Përgjithshëm (KKSHP);

5. Libri i Programit të Kursit të  Lartë i Oficerit (KLO);

6. Libri i Programit të Kursit të Lartë i Sigurisë dhe Mbrojtjes (KLSM);

7. Libri i Arsimimit në fushën e lidershipit dhe shkencave shoqërore;

8. Libri i Arsimimit në fushën e operacioneve;

9. Libri i Arsimimit në fushën e strategjisë dhe historisë;

10. Libri i Xhepit për kadetin ushtarak.

View the embedded image gallery online at:
http://tradoc.mil.al/index.php/en/#sigFreeId4fdff7132e

 

Efektivët e KDS dhurojnë gjak

2 Korrik 2014.  Në kuadër të veprimtarive dhe nismave ndërgjegjësuese të Ditës Botërore të Dhurimit të Gjakut të nisura më herët, në mjedisin e Qëndrës Shëndetësore të garnizonit u organizua  një sesion dhurim gjaku. Qëllimi i kësaj dite është që nëpërmjet dhurimit të gjakut të rritet ndërgjegjësimi për sigurimin e gjakut të sigurt dhe produkteve të tij, si dhe për të falenderuar të gjithë dhuruesit e gjakut për jetët e shpëtuara nga ky dhurim. Kësaj nisme e organizuar në bashkëpunim me Qendrën Kombëtare të Transfuzionit të Gjakut, ju bashkua personeli i shtabit të KDS dhe institucioneve të varësisë, kryesisht i AFA, të cilët dhuruan gjak nën moton  “Dhuro gjak shpëto jetë”.

Zhvillohet ceremonia e përfundimit të Programit të Shkëmbimit Kulturor me kadetët amerikanë CULP-2015

    

Zhvillohet ceremonia e përfundimit të Programit të Shkëmibimit Kulturor me kadetët amerikanë CULP-2015.

12 Qershor 2015. Është zhvilluar paraditen e sotme, në mjediset e auditoriumit të MM ceremonia e përfundimit të Programit të Shkëmbimit Kulturor CULP-2015, midis kadëtëve amerikanë dhe nënoficerëve shqiptarë të FA.

Në këtë ceremoni morën pjesë Zv/MM zoti Petro Koçi, Zv/SHSHPFA Gjeneralmajor Viktor Bërdo, përfaqësues të zyrës së ODC, Zv/Komandanti i KDS Kolonel Ruzhdi Kuçi, drejtorë drejtorish në MM dhe SHP etj. Ceremoninë e nderoi me pjesëmarjen e tij, edhe Ambasadori i SHBA në Tiranë, z. Donald Lu.

Pas një panorame të shkurtër të realizimit të këtij programi nga një prej kadeteve amerikane, përshëndeti  Zëvendësministri i Mbrojtjes, zoti Petro Koçi, i cili në fjalën e tij, ndër të tjerash u ndal në atë që pjesëmarrja në programe të tilla, favorizon perspektivë të përbashkët dhe mundëson identifikimin edhe më mirë të vlerave  kulturore të njëri - tjetrit duke arritur që krah për krah të maksimizohen përpjekjet e përbashkëta në përmbushje të sfidave që dalin përpara. Gjithashtu, Zv/MM, zoti Petro Koçi, falenderoi për ndihmën dhe asistencën humanitare, kontributin e vyer të dhënë nga kadetët amerikanë në instuticione të ndryshme, si në Shtëpinë e Jetimores në Sauk, Shtëpinë e Fëmijës me sindromën Doën, si edhe për aktivitetet e shumta sensibilizuese në mbajtjen pastër të mjedisit në Korçë, etj.

Kadetët dhe të pranishmit e tjerë në këtë ceremoni u përshëndetën edhe ambasadori i SHBA nëTiranë, z. Donald Lu. Ambasadori Lu, vlerësoi mikpritjen e jashtëzakonshme të shqiptarëve, si fakator kryesor i realizimit me sukses të këtij programi. Ambasadori Lu, në fjalën e tij nuk la pa përmëndur dhe faktin e pjesëmarrjes në ekipin e kadetëve amerikanë të dy shqiptarëve, si tregues mjaft pozitiv i lidhjes midis të dy vendeve. “Ju jeni aleatë të NATO-s  dhe mund të shërbeni krah për krah me njëri - tjetrin diku nëpër botë – përmbylli fjalën e tij zoti Lu.”

Për kadetët amerikanë dhe nënoficerët shqiptarë më të dalluar gjatë realizimit të këtij program, u shpërndanë certifikata  nga Zv/MM, Koçi dhe Ambasadori Lu.

Ceremonia u mbyll me realizimin e një fotoje të përbashkët.

Zhvillohet në KDS Programi i Shkëmbimit Kulturor dhe gjuhësor i përbashkët i kadetëve amerikanë dhe palës shqiptare.

06 Qershor 2015. Për të tretin vit radhazi, në ambjentet e KDS, po realizohet Programi i Shkëmbimit Kulturor dhe Gjuhësor i Përbashkët i Kadetëve Amerikanë dhe Palës Shqiptare. Ky aktivitet zhvillohet në kuadër të bashkëpunimit të përbashkët bilateral midis të dy vendeve.

Misioni i këtij programi është i fokusuar në tre drejtime; asistencë humanitare, trajnim i përbashkët ushtarak, si dhe trajnim i gjuhës angleze. Janë rreth 23 kadetë amerikanë, dhe 34 shqiptarë të njësive e reparteve të ndryshme të FA, të cilët për një periudhë afro dy mujore, do të ndjekin këtë program gjithpërfshirës.

Programi në ecurinë e tij, përfshin dhënie asistence në zona e vende specifike të Shqipërisë, si jetimore, klinika, shkolla për fëmijet me aftësi të kufizuar; trajnime të përbashkëta ushtarake si dhe mësim të gjuhës angleze për terminologjinë profesionale ushtarake. Gjithashtu, një aspect tjetër i këtij program është dhe shkëmbimi i njohurive kulturore dhe një qasje kulturore drejt kulturës shqiptare, e cila realizohet nëpërmjet vizitave kulturore në vende te ndryshme  të Shqipërisë.

Në drejtim të dhënies së asistencës humanitare, ky program filloi me punën konkrete në përmirësimin dhe zbukurimin e godinës së Qëndrës Sociale për fëmijët romë”Shtëpia e ngjyrave”, në Tiranë (ARSIS). Në këtë proces, puna u fokusua në sistemim ambjentesh të jashtme, lyerje fasadash dhe mjedise të brendshme, regullime të brëndshme etj.

Në mjediset e Komandës së Doktrninës dhe Stërvitjes, paraditen e sotme u zhvillua një takim i kadetëve amerikanë me SHSHPFA, Gjeneralmajor Jeronim Bazo. Në këtë takim, morën pjesë drejtuesi i programit CULP 2015, N/kol. Priester, Zv.shefi i Zyrës së ODC Major Richard Kartcher, Komandanti i KDS, Kolonel Ruzhdi Kuçi, koordinatori për palën shqiptare, N/kolonel Behar Mara etj.

Nëpërmjet një bashkëbisedimi tepër miqësor midis kadetëve amerikanë dhe gjeneral Bazo-s, u dha një panoramë e përgjithshme me konceptin e arsimimit profesional ushtarak shqiptar, programin pilot dhe bashkëpunimin dypalësh midis Gardës së New Jersey dhe FA të RSh, rekrutimi i të rinjve në radhët e FARSH, lidhja e ushtrisë me shoqërinë civile etj. “ Jam i privilegjuar të diskutoj me ju- ka thënë gjeneral Bazo, të ndaj mendime e ide me ju, sikundër më vjen mirë e ndjehem krenar që në radhët tuaja ka dhe shqiptarë”.

Drejtuesi i këtij programi, N/kol. Priester, në këtë takim shprehu falenderimet e tij për mbështetjen e ofruar nga FA shqiptare në realizimin me sukses të këtij programi, me benefice të ndërsjellta për të dy vendetnë drejtim të ndërgjegjësimit kulturor, rritjes së aftësive ushtarake dhe gjuhësore etj.

 

Ky program realizohet në kuadër të kurrikulave të Korpusit Trajnues të Oficerëve Rezervistë, ku trajnimi për ndërgjegjësimin kulturor merr një rëndësi të vecantë. Ky program siguron mundësi për liderët e ardhshëm në drejtim të kultivimit të aftësive të tyre drejt mjediseve kulturor, për të vlerësuar dhe respektuar ide të ndryshme, tradita dhe njerëz të ndryshëm. Gjithashtu, nëpërmjet aftësive kulturore të zhvillojë një partnership të ngushtë me partnerët ndërkombëtarë.

View the embedded image gallery online at:
http://tradoc.mil.al/index.php/en/#sigFreeId45f7aafab2

 

Përfundon Kursi i 53-të Fillestar për Nënoficerë.

29.05.2015.  Në mjediset e reja të ANO u zhvillua ceremonia e përfundimit të kursit të 53 - Fillestar për  N/oficerë.

Në ceremoninë e organizuar mekëtërast, mori pjesëSHSHPFA, GjeneralMajor Jeronim Bazo, Zv/komandanti i KDS Kolonel Ruzhdi Kuçi, drejtorë drejtorish të SHP etj.

Fjalën e rastit  në këteceremoni e mbajti Komandanti i Akademisë të N/oficerëve  Kolonel Ndriçim Sallaku, i cili pasi falenderoi të pranishmit në ceremoni për prezencën e tyre, ju drejtua kursantëve me fjalet    :”Më lejoni që të bëj një falenderim të vecantë për tëgjithe  Ju, pasi secili nga ju shpalosi vlera jo vetëm duke dhënë shëmbullin personal por  tregoi edhe aftësitë e tij  për punën dhe bashkëpunimin në grup,element ky mjaft i rëndësishëm për aftësimin dhe krijimin e shprehive praktike për të përballuar ngarkesat dhe kërkesat për realizimin e detyrave si drejtues grupi në të ardhmen.”

Në emër të kursantëve në këtë event përshëndeti Ushtar IV Nertil Rozani, duke falenderuar të gjithë grupin e instruktorëve të kursit të 53, për ndihmën e dhënë për përfundimin me sukses dhe realizimin e objektivave.

Ceremoninë e përshëndeti dhe SHSHPFA, Gjeneralmajor Jeronim Bazo. Ndër të tjerash, gjeneral Bazo u shpreh se; ““Në kushtet e një profesionalizmi më të lartë të FA-së dhe një angazhimi gjithnjë e më të madh në përmbushje të detyrave në mbrojtje të vendit dhe në interes të Aleancës, rekrutimi i nënoficerëve  me një profil sa më cilësor  është thelbësore dhe ka një impakt të rëndësishëm  mbi të ardhmen e FA”. Gjithashtu, ai shprehu bindjen se dijet dhe aftësitë e marra gjatëkëtij kursi do shërbejnë për të rritur më tej profesionalizmin për kryerjen e detyrave në strukturat e Forcave të Armatosura ku nënoficerët do të shërbejnë.

Në fund të ceremonisë  sipas traditës u bë një foto e përbashkët .

    

Kursi i 53-të Fillestar i Nënoficerit, i cili filloi në prill dhe vijoi për afro dy muaj, pati 55 kandidatë nga të cilët 17 kandidatë nga FT, 3 kandidatë nga FA, 5 kandidatë nga FD, 9 kandidatë nga KM, 10 kandidatë nga BM, 8 kandidatë nga PU, 2 kandidatë nga KDS dhe 1 kandidat nga ASNI. Programi mësimor ishte i fokusuar në lëndët Lidership, Rregullore-Ligjshmëri, Taktikë,  SHLT, Përgatitje Zjarri, Përgatitje Fizike, Testime ku e llogaritur në praktikë dhe teori zinin vendin me 65.3%  në praktikë dhe 34.7% në teori.

Objektivi i programit mësimor ishte hedhja e bazave për karrierën e nënoficerit, ofrimi i njohurive teoriko-praktike për drejtimin e grupit dhe niveleve të njësuara me të si dhe shkëputjen nga përgjegjësia individuale në aftësi e  përgjegjësi si drejtues dhe lider.

View the embedded image gallery online at:
http://tradoc.mil.al/index.php/en/#sigFreeId540b1372d6